An fara ɓullo da shirin gina shaguna don mallaka, maimakon haya da aka saba yi, a kasuwar wayar salula ta Farm Centre da ke birnin Kanon Dabo.
Wani kamfani mai suna Trust Land Properties ne ya sanar da hakan a wani faifen bidiyo da ya wallafa a kafafen sadarwa.
A bidiyon da BizPoint ta gani, kamfanin ya ce shirye-shirye sun kammala na gina shaguna da ya musu laƙabi da Farm Centre Commercial Shops, a kusa da titin Zariya.
A bidiyon, wani mutum da ya ke bayani a kan shagunan, ya ce za a gina su guda uku-uku a gini mai hawa uku, ƙasa, da hawa na farko da na biyu, akan Naira miliyan 11,500.
Mai bayani a bidiyon ya ce Wannan wani sabon salo ne na mallakar.shago ko office maimakon biyan kuɗin haya shekara da shekaru da kuma yiwuwar ƙarin kuɗin haya duk shekara ba tare da wanda ke amfani da shi ya mallaka na.
Kamfanin ya ce duk mai bukata zai iya kiran wannan lambar waya, 07043608888 domin ƙarin bayani.
BizPoint ta gano cewa wannan ka iya zama wani sabon tsari na saukaka wa masu kasuwanci mallakar shago ko ofisoshi duba da rashin gwauron zabi da kudin haya ke yi a Kano, Cibiyar kasuwanci.
