Kamfanin Mai na ƙasa, NNPC ya ce sai an yi amfani da manhaja da ya samar ta wayar salula sannan a iya amfani tsarin ragin Naira 66 da ya yi a kan kowace litar fetur da ya ɓullo da shi
Kamfanin Man Fetur na Ƙasa (NNPC) ya sanar da cewa masu ababen hawa da su ka sauke manhajar kamfanin a wayoyinsu tare da biyan kuɗin fetur ta manhajar ne kawai za su iya cin gajiyar rangwamen.
Sabon farashin fetur ɗin da ake sayarwa da rangwamen ya koma N1,339 kan kowace lita ga masu amfani da manhajar NNPC tare da biyan kuɗin ta nan maimakon N1,405 da ake sayarwa a farashin gidajen mai.
Kamfanin ya kuma ƙara wa wa’adin rangwamen zuwa ranar 31 ga Oktoba, 2026.
Tun da fari, an tsara cewa wa’adin zai ƙare a ranar 7 ga Oktoba, 2026, bayan fara aiwatar da shi daga ranar 1 zuwa 7 ga Oktoba.
Sai dai daga bisani NNPC ya tsawaita wa’adin zuwa ƙarshen watan.
Hakan ya zo ne daidai lokacin da gwamnatin Tarayya ta kuma sanar da wasu matakai domin rage wa ‘yan Najeriya radadin hauhawar farashin fetur.
